年近歲晚好多藝人都開始收爐停工，然後就出動購物過年。創作人雷頌德噚日下午接近6點鐘，就一家幾口帶住兩個工人去到中環IFC行街，佢哋逛咗一輪之後見仲未有收穫，就走咗去國金軒食晚飯。不過老婆就趁等位入座嘅空檔，拉埋老公抱住囝囝再去同層嘅時裝店衝刺，可惜都係空手而回，最後就惟有醫飽肚先至再戰。