甜甜腰果　梳打粉烚夠鬆化

想自製賀年小食，唔一定整糕、整油器，有時整吓腰果呢啲果仁，都係唔錯選擇。焗腰果前，必須將腰果放入已落１茶匙鹽及半茶匙梳打粉的滾水中烚，讓腰果吸收水份，焗出嚟唔會乾外，梳打粉亦可令腰果更鬆化。烚後風乾1小時，放入預熱至170℃焗爐，焗15至20分鐘，之後再調校至120℃，再多焗5至10分鐘。焗完後加椒鹽或糖漿即可做出鬆化惹味的腰果。