【本報訊】一名婦人昨中午在油麻地一間銀行睇股票機期間,被一名「街坊」誘騙出外傾談,女事主見他熟口熟面,不虞有詐,豈料遭該男子揮拳狂毆頭臉,乘機搶去她手上載有2,000元現金的環保袋逃去,事主負傷追捕50米不果,報警求助。婦人不忿地說:「啲錢攞嚟過年斬料o架!」
損失新年斬料錢
昨中午12時,62歲姓李女子手持環保袋,擬往油麻地準備買燒肉及賀年食品,她表示因早前買了股票,於是購物前到吳松街120號創興銀行睇股票機,此時一名年約60歲身材健碩的男子也在銀行內睇股票機,其間該男子聲稱有要事商量,誘騙李婦出外,李婦認得他不時在銀行內睇股票,以為交換股票心得,不以為意答應外出。
豈料李婦走出銀行後,該男子突揮拳毆打她頭臉多次,李當場臉鼻流血,大漢乘機搶去李婦的環保袋後拔足狂奔。李婦不甘損失負傷追了50米至寶靈街,便失去賊人蹤影,無奈報警。警員接報到場兜截疑人無果,李婦血流披臉送院敷治。
李婦在醫院候診時,她仍不忿地說:「我唔識佢(賊人)呀,佢睇到我有2,000蚊就搶我錢。我啲錢攞嚟過年斬料o架!我認得佢好高大,眉絲細眼,喺油麻地成日都撞到佢,銀行應該睇到佢個樣。」