古巨基近日嚟都喺內地，因為佢分別要演出央視嘅春節晚會，同埋仲有第一年搞嘅央視網絡春晚，呢個節目會年初一於網上播出。噚日基仔就喺水立坊為央視網絡春晚錄影，現場搭咗個好似時裝表演嘅舞台，基仔行到台中，唔少觀眾已經擠晒出嚟，有啲又要攬住基仔影相，結果推跌咗個攝影師，好彩佢冇受傷。基仔話今晚會現場演出電視播嘅央視春節晚會，聽日初一先返香港。