農曆新年好多銀行都會派利是封畀啲客，恒生銀行（011）與眾不同嘅係，佢哋年年都係派「財神」畀大家，所以財神爺已儼如恒生嘅標誌。趁住兔年將至，恒生喺中環總行天台安裝咗個全新嘅LED顯示屏，仲別出心裁咁加設咗財神圖像同「恭賀新禧」嘅字句。咁大個財神喺恒生總行咁高嘅地方「照」住大家，希望今年大家都財源滾滾來啦！