早前自爆甩拖的吳雨霏（Kary）前晚在紅館舉行處女個唱，獲前男友「網球王子」洪立熙撐場，Kary在台上發表愛的宣言，自言四年前愛上一個人令她學識包容及珍惜，並直認兩人是perfectmatch，洪更送上鮮花及深情一抱，事後Kary否認復合，但兩人的戀情似乎有新轉機。
吳雨霏前晚在紅館舉行一場「吳雨霏KaryOnLive2011演唱會」，首踏紅館的Kary，獲鄧麗欣、傅穎、楊愛瑾、徐濠縈、黃柏高等捧場，屢傳不和的鄧麗欣和傅穎分開坐，曾與Kary拍拖四年的洪立熙亦與友人低調支持。
自認公主病
Kary前晚換了多套性感服飾，當中不乏SM誘人裝束，並以倒吊形式出場。Kary笑言有「公主病」，要觀眾全部罰企睇騷。前晚由楊千嬅任表演嘉賓，兩人先後兩次合唱《熱血青年》，Kary更苦練結他為千嬅伴奏。Kary又借賭王爭產風波多謝家人：「爹哋話越俾人睇低越要爭氣，冇你哋（指家人）支持我唔知點撐，我要爭氣，我唔要爭家產。」
尾聲時，Kary一度哽咽說：「入咗呢行好幸運，好多人錫，亦學識愛同珍惜，講個秘密畀大家聽，四年前我愛上一個人，我哋經歷咗好多嘢，因為佢令我學識包容同珍惜，好似公主遇上王子，係perfectmatch，但後來發現唔係perfectmatch就得，中間有好多困難。點都好，我依然相信愛，依然會勇敢去愛。」之後Kary獻唱《絕配》，洪立熙亦送上鮮花及與Kary擁抱。
盼心智成長
出席慶功宴時，Kary被問到是否與洪立熙復合？她說：「做完個騷先諗，佢有嚟後台講打氣說話。大家仲係好朋友，以後點冇人知。」
採訪：藍文浩
攝影：彭琮然