前晚黃百鳴的賀歲片《最強囍事》首映，宿敵曾志偉穿上打對台賀歲片《我愛HK開心萬歲》tee，帶着林欣彤、呂慧儀及高海寧等往踩場。
望收4千萬票房
志偉與黃百鳴握手，又齊齊接受訪問，談到踩場之事，志偉笑說：「唔好咁講，細嘅唔識，帶佢哋嚟學嘢，呢套有最強卡士，大家互相嚟吓，聽日我哋首映，子丹同嘉玲都嚟啩，唔係唔嚟呀？」
志偉又誇下海口謂若兩片皆過4,000萬票房，他與黃百鳴裸泳與裸跑謝票，黃聞言只笑不語，志偉續說：「俾佢揀先啦，如果佢唔想俾人見咁多，咪裸泳囉，唔怕俾魚咬嘅話，要渡海喎。」志偉可會操弗身材去裸跑？他說：「不嬲係咁，大家睇慣劉華，都可以睇吓我一嚿腹肌跑吓跑吓。」黃百鳴則謂：「4,000萬過硬啦。」
採訪：溫敏芝
攝影：陳俊強
