夏斌獻計 叫中國長買黃金

夏斌獻計 叫中國長買黃金

金價升完未?正當唔少證券商出嚟唱淡黃金,話升勢差唔多,又話今年可能會調整嘅時候,人民銀行貨幣政策委員會委員夏斌就出嚟建議,話為咗謀求人民幣國際化呢個戰略嘅核心利益,中國要喺一段相當長嘅時間度,貫徹不斷增持黃金儲備。
華華喺度勸喻聽完夏斌講嘢、打算衝入金市嘅投資者,唔少分析師都提醒,喺加息周期開始,買黃金嘅機會成本會高咗!
而且中國大陸嘅儲備政策,有佢哋自己喺經濟層面、政治層面等方面嘅考慮,唔係一般散戶嘅策略嚟o架,況且夏斌話要趁低吸納,華華真係好想知,咩價位為之低呢?夏斌又冇講清楚喎!
投資股市、滙市同埋商品,都係最好趁低吸納o架啦……嗯,夏斌講咗好似冇講咁喎!