國際球員要喺聯盟站穩陣腳唔易，來自俄羅斯嘅新秀中鋒莫茲哥夫（圖）深深感受等落場打波嘅苦楚，皆因佢自上個月11號後，已經3星期冇落場，好彩咁啱紐約人嘅W真達拿前鋒傷咗，莫茲哥夫喺周日終可上陣，仲打咗40分鐘，獲新高23分及14個籃板，紐約人主場亦以124:106大炒活塞，主場粉絲完場前仲高呼佢個名，認真威威！