年廿八洗邋遢，望住一笪二笪厚實污迹、唔夠十度嘅寒風刺骨天氣，幾愛錫架車都好，總有藉口推搪搵洗車屋搞掂。滑時德新出一款車用「神仙水」，一噴一抹毋須過水，愛驅即時立立令，連乾涸雀便便，3秒內一樣抹得甩！
記者：徐影龍
攝影：陳陶鈞
Model：Rika@GMEModels
洗車唔使過水
有時未必因為怕凍怕辛苦，好多情況下根本唔容許你慢慢洗車，好似赴約前先發覺某部位出現礙眼污迹，又或女士們着到鬼火咁靚，點可能落手落腳洗車。最慘係附近碰啱無洗車屋，即使好彩有，臨近過年通常都爆到七彩，排三五個鐘已足令你遲晒大到。
滑時德（Werkstat）新出咗一款「免水洗車」嘅神仙水，配方包含活性劑、乳化劑及潤滑劑，作用係清潔兼起迹，基本上只一噴一抹，乜嘢老泥同污迹都可即時清除，就算遇到曬乾咗嘅雀糞，只需噴完神仙水再稍等一下，亦可輕易抹走，過程中完全毋須費力去捽，大大減少車身刮花嘅風險。神仙水為中性配方，莫講話保護到車漆，連面層蠟水都唔會刮花，抹完成架車乾淨得嚟立立令，一舉兩得。最重要係毋須過水步驟，抹完車除低手套就可以去街街，慳時間兼慳工夫，一支差不多用成年。
實戰雀糞泥水迹
起初望住支神仙水，稀巴巴一啲都唔濃稠，以為無乜料到，點知預設幾個級別污迹測試，全部俾佢徹底KO，連兩位攝影師都忍唔住，一影完相爭住噴落自己架愛驅，唔使再受環保大道嘅塵氣。個人最欣賞係過程夠快，以男士抹車速度計，全車回復光亮的確唔使10分鐘。
即噴即抹即刻試
簡單級
中難度
災難級
深色車
查詢：
九龍區：Mars（98014487）
新界區：友強輪胎（24935611）