天意弄人，英格蘭左閘布歷治（圖）因為從車路士轉到曼城，涉嫌畀佢嘅舊隊友泰利乘虛而入，搞咗佢嘅靚老婆雲妮莎；布歷治離婚後，以為雨過天晴，但最近因為被外借番去倫敦嘅韋斯咸，為咗可以見多啲住喺附近嘅囝囝，佢只好重新入住泰利同雲妮莎嘅「通姦屋」，都咪話唔眼寃。同樣係英格蘭左閘，艾殊利高爾就好運得多，據聞佢成功翻撻前妻雪露，睇吓呢段戀情有冇得重燃？