「阻丹奴」放棄一國兩制，唔畀王丹等海外民運人士來港悼念華叔，但係阻止唔到全球華人喺英美澳加等地追思華叔。香港時間昨日清晨，美國紐約、華盛頓，加拿大溫哥華等九個城市，差唔多同步舉行華叔追思活動，華叔堅持平反六四心志，傳揚海外。
而在波士頓，前學運領袖柴玲相當有心，一早到場悼念華叔。出席呢場追思會嘅不乏猛料華人，其中一位就係鼎鼎大名嘅甄雲龍。未聽過呢個名？咁「宇宙最好打」甄子丹大家實知係邊個啦。甄雲龍就係甄子丹之父，在當地華人社區十分活躍，與友人創辦聯誼會做慈善工作！除咗波士頓，三藩市嘅悼念華叔活動都有百幾人出席，華叔走了，但係人心不死！