無綫廚神李錦聯前日出席活動時冇端端辣着火頭，大爆同佢傳不和嘅《都市閒情》主持安德尊被無綫雪藏，但事實上安德尊前日仍有幫《都市》錄影，根本冇雪藏呢回事。安德尊噚日同馮仁昭傾電話時話：「真係啼笑皆非，佢（指李錦聯）噚日係咪出席個紅酒活動時飲多咗亂咁噏呀？我同佢識咗十幾年，係好好嘅朋友，都唔會嬲佢嘅！」