虎年政治版圖劇變，政黨支持度波動甚大，中大香港亞太研究所上月底電話調查800幾個市民，發現逾一成受訪者稱最支持民主黨，其次係民建聯，有7.1%，公民黨支持度有6.7%。
新民黨有支持
呢次調查包括剛成立嘅新民黨，單靠葉劉支撐，都有1.5%受訪者表示支持，反觀成立多年、有多位立法會議員嘅自由黨，支持度僅1.8%，葉劉有可能越戰越勇，八方相信新民黨支持度迎頭趕上嘅日子不會遠。
社民連係民望輸家，最新支持度為1%，較上月下跌1.3個百分點，反映黨爭、分裂有害無益，能否重振雄風，端視陶君行等領導層能力了。研究機構又指，有個現象值得注意，就係有63.4%受訪者表示沒有任何本港政黨或政團值得支持，而且呢個數字越嚟越高，估計受於近期唔少政黨鬧黨內紛爭、退黨影響。