一年一度嘅記協盃前日結束，連續三年殺入決賽嘅有線電視隊繼前年奪冠後，再摘金牌。《蘋果日報》隊屈居亞軍，但已做出參賽以來最佳成績；隊中靈魂人物、娛樂組嘅馮國康更以12個入球成為神射手。季軍及殿軍則分別由HartiendFC（體育記者聯隊）及柴娃娃（港聞記者聯隊）奪得。
上周六唔少行家都有去跑馬地球場睇決賽，有線高層趙應春都係捧場客之一，最終有線以4比0擊敗首次入決賽嘅《蘋果》，趙應春梗係開心，同班隊友合照留念。八方嘅同事們力戰而敗，未有氣餒，隊友們都話今屆無論正選、後備都好齊心，練波準時，打氣落力，分組賽、八強及四強賽8場全勝入決賽，算係有交代。八方相信只要大家keep住團火，下屆冠軍必手到拿來。