大馬資深女歌手張小虹，呢個月初喺當地住所懷疑被劫殺，原來一直有傳呢位張小虹係香港歌手葉麗儀嘅至親，睇番相片，佢兩個嘅樣貌又真係有幾分似。葉麗儀噚日透過電郵回覆本報查詢，佢話同呢位張小虹冇任何親戚或血緣關係，只係因對方真係有個女叫葉麗儀，所以先有咁多傳聞，葉麗儀話自己已經63歲，而佢媽咪喺70年代已經過咗身。