香港寫字樓租金係咁升，近期有好多外資測量師行報告都話香港係最貴租嘅城市。好似美國商業房地產服務公司高緯環球（Cushman&Wakefield）咁，統計咗中環最頂級12幢寫字樓嘅租金，喺呢一年升咗成51%，平均呎租139.5蚊，超過日本東京嘅107.8蚊，成為全世界最貴嘅地區！雖然香港嘅寫字樓租金喺07年高峯曾經去過170蚊，家陣同當年仲有段距離，但係太貴都會損害香港嘅競爭力！
高緯環球香港區阿頭蕭亮輝就炮轟政府唔單止係住宅供應不足，就連寫字樓都唔夠，如果繼續喺咁，好多跨國公司都寧願走去新加坡同中國大陸開分公司，慢慢將喺香港嘅地頭縮細o架喇。
舊年成個市場吸納樓面有成242萬平方呎，但未來3年，全香港夾埋都只有240萬平方呎新供應，政府唔該諗諗計啦！