賭王家族爭產案進入司法程序，各房當事人相繼封口，但戰場轉到另一戰線。三房繼續施軟功冧賭王，何超雲昨日炮製愛心曲奇給賭王品嚐；而二房的何超儀開腔罵「正邪不兩立」後，前晚透過微博向妹妹超蓮示意心照：「唔使講嘢，在心中，多謝晒。」
賭王何鴻燊一向奉行「家和萬事興」的齊家之道，如今家族爆發爭產風波，鬧上法庭，二、三房聯合，大房、四房連線，分成兩大對抗陣營。聲稱代表賭王的高律師已入稟告二、三房，爭產案啟動司法程序，各房開始封口。當事人不能多講，二房三房繼續各自發功，二房和社交圈、娛樂圈關係密切，獲圈中好友力撐，而三房則開始行軟功冧賭王。
二三房細女心連心
賭王前晚留在三房過夜，三房長女何超雲昨日抽時間炮製愛心曲奇冧爹哋，她更將相片上載微博，但曲奇餅的賣相有點奇特。她昨日在電話中說：「整曲奇好快啫，爹哋都試咗少少。」她謂賭王精神好好，至於三太心情，她說：「大家心情都好好！」問她賭王是否會繼續告三太？超雲即封口說：「我唔可以答呢啲嘢。」希望家和萬事興？她說：「唔想講咁多。」只謂決定農曆新年留在香港，至於弟妹猷啟、超蓮則未知會否回港。
二房細女何超儀、三房細女何超蓮，之前各自發表激憤言論，超儀表明「正邪不兩立」，超蓮就指有「妖魔鬼怪」，同陣營的兩個么女互相打氣。前晚超儀在facebook留言後，曾透過微博向妹妹超蓮示意心照：「唔使講嘢，在心中，多謝晒。」又在微博留言「多謝大家關心。」而兩人昨日分別獲圈中好友表態支持，超儀好友葉佩雯回應支持，超儀另一好姊妹杜如風昨也透過微博力撐：「人善人欺天不欺，人惡人怕天不怕！撐行你呀！」
周柏豪怕享齊人福
先後與超雲及超蓮傳緋聞的周柏豪昨日於灣仔出席活動，被問到超蓮在微博的「妖魔鬼怪」言論，柏豪說：「呢啲問番當事人，朋友都唔會過問家事。」問他聯絡超蓮時她有否為此事感煩？柏豪說：「冇講喎，但我都有睇報紙有關心，同全香港市民一樣關心。」會否覺得超蓮言論過激？柏豪說：「不願置評。總之佢有覆我message，佢好成熟，覺得唔好意思騷擾到朋友，今日冇聯絡冇新嘢。」問柏豪是否認識三太陳婉珍，他說：「唔識，佢哋我都只係見過幾次，我唔應該多講，我係一個外人。」但有人當他是女婿？柏豪說：「冇。」有沒有想過娶這麼多老婆？柏豪說：「我唔會，冇咁嘅能力，邊方面都冇，而且我似我爸好專心，不過我唔係話人唔專一呀。」
採訪：林妃、胡比
攝影：葉君海
