側田兩場紅館演唱會前晚結束，告別騷獲梁漢文與太太林文慧、徐濠縈等捧場，側田又先後擁抱Paco和母親。頭場於騷內自爆追女史，側田前晚怕因此開罪韓籍女友，呼籲傳媒筆下留情，又在台上流下男兒淚，並表示堅持唱好廣東歌，又高呼「我決定唔走」，似乎隨時回歸。
女友因工作未能來港捧場，側田坦言是美中不足，問到下一件大事是否結婚？他說：「唔係，係廣州開騷，結婚唔好講會唔靈，未知幾時求婚。」側田自爆有計劃於演唱會上向女友求婚，但最終打消念頭。問到女友是否緊貼他的新聞？他苦笑說：「係呀，佢對我工作冇興趣，只係我嘅新聞有興趣，我家上去北京日日喺屋企，冇嘢可以話我啦。」
採訪：馬建華
攝影：陳慧安