賭王家族爆發爭產風波，二、三房連成一線，子女各自在微博、Facebook開講，並獲各方好友力撐，聲勢一流。大房和四房的陣營就比較淡靜，大房的女兒如超雄、超賢等，以澳門為基地，和香港名人圈較生疏；而四太子女如猷君、超欣等年幼，唯一成年的長女超盈又比較文靜，陣營氣勢惟靠四太梁安琪一人力撐。
睇騷晒白皮草
不過，當年有「石碼頭」之稱的四太都不甘示弱，二、三房絕迹公開活動，四太則繼續風騷睇騷兼吃飯。她前晚高調現身Dior在尖沙嘴的VIP晚宴，穿上白色長皮草大衣、長皮靴，由兩名女友人陪伴赴會。四太在場內睇騷，和其他嘉賓有傾有講，心情靚絕，如同平日一樣，惟獨不談家事。四太在場內盡興，一直逗留到11時才離開，她走時笑着說：「Fashionshow好好睇，啲嘢好好食，其他我冇嘢講喇。」問到賭王及爭產等事一律封口。
採訪：顏英儀 攝影：陳志嵐