溫拿前晚在土瓜灣綵排年三十晚為亞視演出的春節晚會,對於賭王何鴻燊四房的爭產風波,譚詠麟(阿倫)慨嘆說:「錢嘅威力好大,孭住咁大嚿錢好大負擔,開開心心咪好囉!」
「佢係我哋偶像」
阿倫見這些新聞是否很無奈?他說:「都唔知點講,其實係見個老人家辛苦,不過我相信何生可以handle到,佢係我哋偶像嚟嘛!」阿倫希望賭王一家會如溫拿般五個人一條心,鍾鎮濤說:「可能未去到呢個境界都唔明,其實都好有錢啦,都爭。」阿倫笑說:「陳振聰夠有錢,點解仲與眾為敵?」
提到好友殼王陳國強入主無綫,阿倫笑說:「所以咪可能好快重見天日囉!」暗示與無綫的版權問題有望解決。問到是否有信心與好友較易商量?阿倫說:「咁又唔知喎,好朋友還好朋友,公司還公司,同埋呢件事交咗畀律師搞。」
採訪、攝影:何慧斯