1999年2月6日星期六，甘仔到中環準備到喜靈洲探望囚犯，誤了一班船，翻報紙知道持雙程證人士到入境處和政府總部請願，他打消探監念頭，轉身就往政府總部走去，正式加入這場運動。
人們試着寫橫額，看到當時政務司司長陳方安生的車輛就圍堵，甘仔在他們中間靜坐，三天後警方清場，14名逾期居留人士被關在域多利監獄，甘仔跟着去聲援，從此以後，不用在內地教書的日子，他都跟爭居權人士在一起。
批評政府好邋遢
有傳媒登出〈內地子女調查167萬人將湧入香港陸沉〉一類標題。甘仔說，傳媒都相信當時保安局局長葉劉淑儀，沒有人質疑167萬這個數字，「佢哋日日出嚟講要起多幾多公共屋邨、教統局又話要開幾多學校，有幾多個人要攞綜援，根本就係恐嚇」。
2000年8月縱火案後，爭居權者失去輿論支持，甘仔邀請當時的助理主教陳日君探望被拘留的爭居權人士。陳日君說本來打算低調，結果按捺不住，「政府開始用嗰啲手段，捉啲人去坐監，連小朋友都拉去坐監，真係好唔啱」。
01年底，陳日君呼籲天主教學校取錄無證兒童，保安局即警告可能違法。02年1月法院判爭居港權人士敗訴，有人開始在遮打花園集會，甘仔又開始絕食。爭取居港權是甘仔參與過最長的一次抗爭，「成件事最嬲係政府用好衰嘅方法，利用香港人的自私嚟阻佢哋嚟，好邋遢，it'sacrime」。
陳日君說，整件事翻出香港人最醜陋的一面，「遲嚟都好過唔嚟，家庭團聚基本人嘅權利嚟o架嘛，香港又唔係話真係窮到咁樣」。