現年36歲嘅前港姐吳文忻，噚日同有南丫島王子之稱嘅金融才俊陳劍陵喺香港註冊結婚兼擺酒。由於男家做生意主張低調，所以文忻都好聽話，完全冇提婚事，噚日唔少朋友都係睇報道先知佢結婚，紛紛打電話同sms恭喜佢。據知噚晚新娘子喺婚宴中好開心，身穿低胸婚紗嘅佢成晚笑不攏嘴，而新郎哥就不時含情脈脈望住老婆，好鬼sweet。