這兩年，很多80後投入社運、參政議政，當青春碰上不時無道理可言的政治，即使不剛愎自用，也很易車毀人亡，這是一個年輕人投身政治活動數年後的反思。從事資訊科技的John是社民連創黨黨員，當年入黨，全因受黃毓民感召，「我聽毓民做節目好多年，以前完全唔識政治，可以話，我家識嘅所有關於政治嘅嘢，都係毓民教我嘅」。這樣一個忠實黨員、熱情支持者，在這次社民連分裂、退黨風波中，卻沒有隨「精神導師」出走，反而令他反思甚麼是政治，甚麼是民主。
25歲的John大學畢業，與絕大部份人一樣，冇想過加入政黨或從政，直至偶像黃毓民振臂一呼，他沒有多考慮便交表，而且很投入黨務，去年五區公投，他幾乎全職助選，想不到五區公投後，便目睹黨分裂的局面。
「好似文化大革命咁」
John說，倒閣事件中流傳的種種陰謀論，他沒有想太多，只是從一名基層黨員角度，看到領導人變質的過程。John說：「有人話要尊重民主精神，但自己卻完全唔尊重，新內閣、主席陶君行係選舉產生，毓民卻話係將個黨交畀阿陶，咁講係唔尊重制度，侮辱黨員。」
倒閣過程中，兩派針鋒相對，John雖然置身事外，但也有留意輿論攻勢，「好似文化大革命咁，毛澤東叫紅衞兵批鬥人，倒閣派用網台做輿論機器，好誇張」。John繼續淡淡地說：「加入一個政黨，唔係加入一個fansclub，當時我覺得好多喺黨入面嘅人，好似唔係黨員，只係fans。」
自言是毓民多年fans的John，對於社民連fansclub化深以為憂，「見到個黨變成咁，我更加覺得人係唔可靠嘅，一定要靠制度，先可以有真正民主。呢番說話，其實都係毓民講過嘅，我記得好清楚」。陶君行可靠嗎？「佢唔係好有政治魅力，但至少冇咁癲。」
「各行各路都係好事」
親歷社民連乘時而起、氣勢如虹的盛況，看到現時社民連處於崩潰邊緣，這名處於政治十字路口的年輕黨員，坦言曾考慮退黨，思考日後如何參與政治，後來黃毓民、陳偉業等人退黨，為他減少了一些煩惱，「佢哋走咗，我決定唔退黨，佢哋唔走，我應該會退」。
君子群而不黨，自言沒有後悔入黨的John，只是香港民主路上新丁，怎料剛在長路漫漫的民主路上啟程，便要與盟友分道揚鑣，他輕聲嘆了口氣：「（社民連內鬥）對香港民主發展係一個創傷，家各行各路，我覺得對成個民主派都係好事，希望日後唔好再互相攻擊。」
記者 羅偉光