伯明翰周中加時淘汰韋斯咸，打入英聯盃決賽，有機會自1963年後取得主要盃賽冠軍，不過陣中嘅塞爾維亞中鋒施積（圖）上仗後備入替雖然有好表現，但就未必有機會喺溫布萊上陣；事關伯明翰為咗慳錢，考慮以施積外借去佢嘅前球會桑坦德度；無錯施積今季表現麻麻，但都叫有變招能力，借走佢，決賽想贏阿仙奴就更加難。