何家爭產成為全城熱爆話題，在這個敏感時刻，現年19歲的三房女兒何超蓮昨日先後在微博發表「妖魔鬼怪多邪惡」論，及後再留言解畫。四房長女何超盈昨日接受本報記者電話訪問，拒評超蓮的言論，她說：「我冇微博，唔知佢講咗乜。我知佢唔係講我就得，我哋私下感情幾好，OK呀，我哋咁細，屋企嘅嘢唔到我哋管，淨係要負責爹哋嘅健康。」
「做好女嘅本份」
超盈深信超蓮跟她一樣最關心賭王的身體，她說：「我同佢都係做好女嘅本份，關心爹哋，冇乜必要理其他事。爹哋係一個好爸爸，都係為咗維持呢個公道，先咁辛苦。」問超盈可知超蓮所指的妖魔鬼怪是誰？她說：「唔係講我就得，佢應該係講緊啲記者，日日跟住我哋屋企人。」超盈指與超蓮有透過facebook交流，她謂有留言給超蓮：「我都message咗佢：『nomatterwhathappensbetweenus,wearesisters.』（無論我們之間發生甚麼事，我們仍是姊妹）。」
採訪：梁錦雯 攝影：黃文成