地球上最唔妥資本主義嘅國家，唔係北韓就係古巴之流嘅共產主義死硬派。
根據一份調查顯示，最唔妥資本主義嘅並唔係中國人，而係法國人。
調查機構IFOP最近做咗個調查，訪問咗10個國家嘅人，發現多達33%法國人想同資本主義saygoodbye，比例高到上榜首。
相反，只有3%中國人想同資本主義說再見，亦有多達65%中國人希望家個制度唔好變，更有高達90%中國人相信增加外貿有利國家經濟，兩者比例雙雙稱霸榜上！
其實，法國人會咁諗又唔難理解嘅！論經濟，法國一直跑輸德國，只可以做區內阿二，條氣唔多順之下，咪可能諗住學中國，行「有中國特色」嘅社會主義搞起經濟囉！
唔通法國人開始唔鍾意焗田螺，想學中國人食大鑊飯？