有殼王之稱的陳國強組財團以90億元收購邵氏兄弟所持的26%無綫股權，即將成為無綫新揸弗人，帶領無綫進入新紀元，對於有意離開無綫藝人和幕後工作人員，宿敵亞視表示無任歡迎。
趁機招兵買馬
陳國強雖在商場稱王，但入主打理電子傳媒未必在行，亞視高級副總裁（製作）葉家寶昨日在電話中說：「呢方面我哋唔方便評論。」不過新人事始終有一番新作風，無綫旗下員工或藝人如果不滿意新領導班子要離開，葉家寶大表歡迎說：「我哋會密切留意對方動態，全香港有唔同媒體，我哋唔係只以TVB做對手，不論新舊媒體，我哋都會注意佢哋嘅最新動態，喺急變年代，凸顯亞視特質。亞視道門隨時打開，歡迎四方八面加入嘅台前幕後精英，最緊要啱用。」
亞視近日有新揸弗人王征的大水喉射住，暫緩財困，到底可會施銀彈向無綫挖角，葉家寶續說：「我哋係唔主張用呢個方法，咁會對現有員工唔公平，總之招攬人才都係合理價錢。」
採訪：比華利