殼王陳國強搖身一變成為無綫新老細，消息傳出後令TVB藝員議論紛紛，不少藝員均希望新主上場，能對公司投放更多資源。
苟芸慧：我覺得有影響都會係正面，我唔知道佢同女星傳緋聞，我唔識佢，就算見過都未知道係邊個。
洪天明：我成日同叻哥一齊見到佢，佢個人比較靜。每個員工對新老細對工作都想做到最好，不過唔會有太大期望，有新老細唔通捧我一個咩！香港好多有錢人，不過佢哋覺得做其他生意可能仲賺錢，希望佢可以帶動香港娛圈市道，我都想電影市道好番。
欣宜：相信都唔會係壞事，我係TVBBB，飲佢嘅奶大，希望佢會好，大家開心，同埋都希望呢個娛樂圈同樂壇都團結啲。
岳華：內幕我唔知，但係六叔係一個永不言休嘅人，不過佢都百幾歲，好難得，一生人都為影視事業盡心盡力。
古巨基：咁我仲有部頭約，都算係半個TVB人，有新老細，相信大家都好留心動態，希望有更多好嘅發展。