港股噚日跌63點，報收23779，又跌返落20日線樓下，不過大局冇變，都係假期前橫行拉鋸局面。
花旗股市高位徘徊，氣氛偏好，道指前晚最高報12020，股民對後市嘅睇法偏樂觀，聯儲局議息之後嘅聲明確認會繼續泵水，超低息環境仍然會維持。
國內又推新嘅調控樓市措施，其實都係新瓶舊酒，5年內轉售嘅二套房要全額徵營業稅最受關注，但稅率唔算高，影響唔大。
中石油C輪23304：中石油（857）報收10.60元，升0.3%。股價近日由高位回落，下試20日線現支持，噚日一度重返10日線樓上，尾段隨大市回落，升幅收窄，睇走勢應該會突破前高位11.04元推向12元，可以諗吓隻C輪23304。
隻輪現價14.6仙，2011年11月21日到期，行使價9.98元，溢價7.9%，引伸波幅32.8%，槓桿率7.3倍（有效4.5倍），正股升上12元，23304睇24.6仙，正股跌穿10.10元就沽咗隻輪。
俊樺