Mr.、何韻詩及農夫昨日到新城電台出席「新城唱好第一擊」記者會，他們於3月15日於會展舉行音樂會。主持提議他們一齊唱溫拿的新歌《樂壇風雲》，C君搞笑地說：「唱呢首歌好呀，今次咁多男仔，好似首歌啲歌詞所講，好多雀仔亂咁飛。」事後Mr.表示希望C君一人表演放雀及扮演小丸子、陸永扮花輪同學，農夫指從未見過Mr.跳舞，很十分期待他們模仿SuperJunior跳舞。對於近日何家爭產風波，Mr.表示有留意，寄望新一年賭王身體健康。
阿詩趕買樓
此外，何韻詩透露會有兩個星期的假期，打算去旅行，問她是否與好友容祖兒同行？阿詩說：「梗係唔係啦，我未訂機票又未決定去邊，話唔埋留喺香港睇樓，因為我真係好想今年買樓，我唔再理啲樓價高唔高啦。」
採訪、攝影：李珮洳