吳雨霏（Kary）噚日喺新蒲崗為演唱會排舞，見佢大跳性感辣身舞，又要俾人搬嚟搬去，有啲仲係高難度動作，Kary話試過練舞時扭親同撞天花板，好彩都冇事，佢到時會着好貼身嘅舞衣配合，Kary話：「件衫好貼，我驚現形，身形俾人睇晒。」至於有消息話吳雨霏扭計，搞到公司出「暗殺令」對付佢，Kary話：「唔明點解用反叛形容我，我係最唔反叛嗰個，龐生（龐維仁）親自打畀我解釋，仲話唔知點解啲字眼寫到咁。」