諸葛梓岐與汪圓圓是影壇新人，她們指拍攝賀歲片《最強囍事》時，獲古天樂和栢芝等照顧有加，說到有傳同片的劉嘉玲與甄子丹不和一事，圓圓跟梓岐均指無此事，並說片場因有鄭中基及杜汶澤等時常發放笑彈而笑聲不絕。
在《最強囍事》中要跟古天樂、張栢芝、劉嘉玲和甄子丹等紅星合作，諸葛梓岐及汪圓圓均坦言甚有壓力，圓圓表示：「好驚自己跟唔上要人等，好怕會麻煩到人。做演員要成日捱眼瞓拍戲，除咗精神狀態要好，皮膚狀態都要好，因為家拍片都係用高清，所以做演員真係好唔容易！」
獲張栢芝教路
要與多位搞笑能手對戲，諸葛梓岐坦言有時也會因忍不住笑而NG：「鄭中基真係好好笑，無論係佢嘅表情定動作，我都覺得好好笑，有時見到佢咁，自己都會忍唔住笑，搞到要NG。」
《最》片是栢芝復出後首齣電影，問梓岐與圓圓對栢芝有何看法？她們均對栢芝讚不絕口：「佢教咗我哋好多技巧，又好有義氣，而且栢芝囝囝Lucas間中都會嚟探班，佢真係好可愛！」
圓圓專注拍戲
兔年將至，諸葛梓岐坦言完成《最》片宣傳後會收爐跟家人外遊：「每年我哋都會成家人一齊過年，到時我都會去男朋友屋企拜年，咁就可以多啲利是！」諸葛梓岐透露會繼續模特兒工作，並會中、港、日、台四邊走：「除咗model之外，我都想再拍電影，最想就係試吓做殺手同心理變態嘅角色，覺得咁好有挑戰性！」
圓圓則表示，將專注在影壇發展，農曆年更會到內地拍攝新片，問圓圓新一年可會希望蜜運成功？她說現時其工作已佔了她大部份時間，故感情事還是順其自然。
採訪：譚倩宜 攝影：林德雄
場地提供：BillionClub
