酒店並不是澳門唯一賣點，街頭餐廳小食亦吸引。情侶在酒店玩夠了，出街走走食食亦係個好節目，餵到身邊人肚脹脹，食到兩個人暖笠笠。喺呢個異常寒冷的冬季，走在情人節氣氛下的街頭時互相攬住取暖，warm死隔籬啦！
記者︰吳美美
攝影︰伍慶泉
Model︰Renee、Charles@Starzpeople
紅色小店有限度開放
傳統小店小吃，澳門街頭的確多，但要數擁有特色風情外來小吃還是少有，講到要搵個少啲遊客清靜啲嘅地方，嘆個tea飲杯茶亦不易，JabberCafe&Boutique是澳門少數派。三年前已開業，但由於女主人Venessa在時裝界非常忙碌，所以一直都是以byappointment及小圈子形式經營Jabber，都是身邊朋友如設計師artist，只要肯畀$2,000包場，就可享用cafe內任何東西，包括廚房，好多朋友會來此親自下廚宴客，當然亦可要求Venessa準備小食。Cafe最多可容納25-30人，一班朋友喺呢度亦可暢懷，附近住宅區，走出店外都唔怕阻住自由行掃貨。
近一年，Venessa開始想定落嚟，所以Jabber可以有限度地開放，基本上一星期多於一半時間的下午3至7時都會開店，等大家試試足料三層teaset及各種自製小食。例如她最拿手兼自豪的烘蝦肉三文治，內裏不是用蝦肉，而用上自行舂碎的馬拉蝦乾再與獨家配製的醬料攪勻，少少辣，幾惹味，另外teaset的蛋糕muffin都係搵身邊的一位蛋糕高人做，夠晒足料大件頭。
點解名字上有「Boutique」一字？事實是cafe的隔鄰係Venessa的workshop，心血來潮四人一組教stitch，樓上又進行自家服裝設計，點講時裝都係老本行。
f.JabberCafe&Boutique
電話︰28353618
地址︰荷蘭園聖祿杞街34號
靚仔情人節蛋糕
同另一半遊走澳門時，返酒店前不如買個蛋糕朱古力做消夜！金滿堂於01年已現身澳門，由擁有30幾年製朱古力經驗的JurgMeier經營，是當地少見獨立品牌的西餅店，情人有特別版蛋糕，我梗要推介畀有情人啦！一個是禮物盒形狀的法式士多啤梨餅，內裏以層層叠形式鋪滿士多啤梨及吉士cream，外面再用朱古力包面，單睇樣已覺靚仔，食落輕盈唔太膩。拿破崙蛋糕絕對要一試，面層蓋了一塊燒過的焦糖，內裏一層一層酥皮鋪了芒果及吉士醬，前者食得出新鮮又甜，後者好滑身，好鬼好味，有散件買的，情侶整多件share食一啲都唔過份！
g.金滿堂
地址︰羅利老馬路27B