女fans覺得曬到黑無可黑的古天樂好man，當然也要有個靚樣配合至得，如果要一個好man的古天樂，去扮一個好cam的化妝師，效果會怎樣？或者正正就是他在《最強囍事》中所呈現的吧！原來他設計角色時，除向金像影帝辛潘（SeanPenn）偷師外，還模仿台灣頗有名氣的化妝師，你會看出有誰的影子嗎？
別以為古天樂演賀歲片《最強囍事》會很輕鬆，相反他為設計角色花了很多心思。戲中他扮演行為如女人般嫵媚的星級化妝師，為了演活角色，除了參考曾見過的一些近似人物外，同時亦向奧斯卡影帝辛潘偷師。
呻學化妝難
古仔認真地說：「辛潘喺《Milk》（夏菲米克的時代）入面演一個同志角色，完全冇一啲造作感覺，表演真係好出色，當我知道要演一個camcam哋角色時，即刻諗起佢呢部戲，特登再翻睇。其實除咗辛潘之外，我都參考過台灣一個男化妝師，拍之前都做過資料搜集，好多男化妝師都好cam。」
電影公司特別安排一名真正化妝師跟場陪古仔拍戲，邊拍邊教，連張栢芝也傳授私人心得，古仔說：「我平時都唔化妝，連眼影係乜都未知，仲要扮cam咁幫人化妝好難，有時栢芝見我唔識就教吓我。」
讚栢芝踏實
今次再度與張栢芝合作，令古仔想起8年前的《忘不了》，古仔說：「當年部戲講佢係有個小朋友嘅媽咪，家佢真係做咗人阿媽，仲有兩個仔，感覺上佢變得踏實同成熟咗好多。」
除了外表神似，古仔自覺內心也頗為了解女性的心態，古仔說：「拍過咁多愛情片，總會同唔同人傾過女人問題，入場睇戲觀眾都係以女性多，大部份女性都會化妝，其實一個人內在比外表重要得多，個心唔好個妝化得幾靚都冇用。」
採訪：魯萍
攝影：陳俊強
場地提供：上林