百果園E神陳靜（DaDa）噚日同苟芸慧、鄺敏慧（中巴），去觀塘出席新春活動，着咗低胸高衩旗袍嘅DaDa大晒事業線。不過DaDa否認搶鏡，佢話：「其實最凍嗰個係我，我都凍到起晒雞皮，不過為工作冇辦法，等我賺多啲錢，可以買多啲嘢返鄉下送畀婆婆。」農曆年苟芸慧想開單身派對，問佢係咪會努力搵男友？佢就話：「呢啲唔係你話想就有。」
