「誰開放的誰倒楣，誰封閉的誰受益。」講呢句說話嘅，唔係保守父母，而係企喺資訊領域最尖端嘅中移動（941）董事長王建宙（圖）。唔通中國人真係咁保守，一提「開放」就耍手擰頭？
非也！話說，王建宙出席「世界經濟論壇2011年年會」之前，接受新浪財經獨家專訪，提到自己最關心嘅兩個問題，一個係開放還是封閉，另一個係免費定係有償使用。
佢話咁多年嚟喺IT行業、電訊行業，大家全力以赴推動開放，希望開源，偏偏家陣封閉嘅系統大行其道，所以佢要反抗，仲話要借呢次論壇向世界傳達訊息，「我要在會議上呼籲開放開放再開放，因為開放對我們消費者有好處！」
不過，要推動開放，華華相信，王總就算嗌到青筋現晒，都唔夠叫班o靚模呼籲咁有效。