人係鍾意「重覆犯錯」，仲係衰埋同一樣嘢。今次我求大俠講緊嘅係英國《天空體育》嘅名主持安迪格雷，之前就質疑女旁證唔識球例，今次一樣口舌招尤，性騷擾個靚女主持查洛積遜，終於俾公司兜咗冇得留低。
其實做咗超過20年嘅格雷，早喺上年聖誕節時錄影節目前，講到配戴收音咪，佢就同女同事查洛積遜講可唔可以將個咪由大髀內側上少少放入去，等佢再拉上去戴落耳仔到。
查洛積遜聽到呢啲咁下流嘅嘢，就即刻擰轉面唔睬佢，格雷睇見就同另一拍檔李察基斯笑到o架o架聲。呢段片喺格雷寸完個女球證先爆出嚟，《天空體育》見到呢位前蘇格蘭國腳又整多單醜聞，為免影響聲譽就炒咗佢。
唉！格雷你都55歲人喇，因為衰多口就冇咗一份年薪170萬鎊（約2,100萬港元）嘅筍工，值得咩？家連英格蘭領隊卡比路都撐用女球證執法，今次格雷你都係冇人幫嘞！