內地近日銀根緊張，拆息抽高，人行立刻採取行動，泵水入市場，雖然傳媒嘅報道偏負面，但係睇番之前人行多次出手抽緊銀根，近日嘅情況可能係反映措施嘅效應，甚至係措施有啲過咗火位，人行喺年假之後加息嘅機會反而下降。
花旗股市前晚喺高位徘徊，後市都係反覆偏好嘅格局，聯儲局議息後嘅聲明會成為炒作藉口。港股噚日反覆升54點，成交都係偏靜，不過期指未平倉合約嘅變化已經有啟示，就係年假後港股好大機會出現突破。
中石化C輪20843：中石化（386）報收8.06元，升2.2%。股價由年初至今一直沿住10日線推上，到家大勢冇變，升勢維持逐步推向9.50元，可以諗吓隻C輪20843。
隻輪報收18.8仙，2011年10月4日到期，行使價6.21元，溢價0.4%，引伸波幅33.5%，槓桿率4.3倍（有效3.6倍），正股見9.50元，20843睇32仙，正股跌穿7.60元就沽咗隻輪。
俊樺