何鴻燊昨午開腔的片段被網民瘋狂轉貼，「何鴻燊」、「StanleyHo」、「澳博」成為首五位熱門搜尋字，有網民視股權分配風波如肥皂劇，留言說：「學足球小將話齋：賽事，家先係啱啱開始咋。」
建議開劇「賭者為寇」
賭王「讀聲明」片段一出，高登討論區即熱烈討論。有網民認為他目光呆滯，有人質疑「如果有人問佢問題，佢都唔知識唔識答」。
更多網民視爭身家風波如「賀歲劇集」，有網民反問「唔知賭王可唔可以一眼睇得出邊個係人，邊個係鬼呢」，慨嘆事件峯迴路轉，「電視劇都係一日一集，佢一日三集」、建議「TVB新開劇，叫賭者為寇」。
賭王的資產分配當然是另一焦點。有網民質疑：「之前又話會公平分，無啦啦又話交晒畀三太處理」，有人諷刺何家子女，「個個有手有腳，叫佢地自己養自己啦，啲錢用晒做善事就最好」，亦有網民感覺到「家一、二、三、四（房）都想挾天子以令諸侯」。
本報記者