新婚的商天娥相當旺場，做了李太後，得到不少家庭用品客戶垂青，昨日她在尖沙嘴頂好主持新飲食節目《新春招牌菜》，不過節目嘉賓呂慧儀卻感冒菌入腸，屙到變軟腳蟹，呂慧儀說：「仲係一隻馬桶蟹，新年希望身體健康，賺多多錢。」
同樣行性感的高海寧近日冒起，問呂慧儀會否怕工作被搶，她說：「我唔想正面衝突，我事業喺腳，最緊要大家都有工作。」
娥姐講到婚後夫婿勁旺她，她說：「唔係淨係佢旺我，我都旺佢o架，嚟緊佢都搬新公司，又去法國做展覽。」提到第一年派利是，娥姐說：「老公畀咗五位數字一百蚊紙我，我自己又換咗五位數字。」她又希望大家不要恭喜她年生貴子。
採訪、攝影：楊潔雯