滙豐嘅廣告一向都好受市場注視，好似新一輯廣告咁，又引起咗網友嘅熱烈討論，佢哋話滙豐以仰視鏡頭拍攝嘅新廣告，涉嫌抄考好幾年前已經出過街嘅一個西班牙地下鐵MadridMetro廣告，仲有熱心人士send埋條link過嚟叫華華睇吓、比較吓㖭！
華華向滙豐發言人了解過，佢哋都係強調番呢個拍攝手法喺香港第一次用，而主題亦都係講緊滙豐本身嘅故事。查實滙豐香港區個人理財業務市場主管黃淑儀之前都為呢個概念解過畫，話從低影上嚟係想表達「植根」香港嘅意思。一句講晒，係想話畀大家聽，佢哋無抄人橋囉！至於似唔似？華華留待畀大家自己驗證啦！