【本報訊】特區政府在中央施壓下禁止王丹來港，民主黨主席何俊仁表示，司徒華在世之時，早預計他的喪禮會變得高度政治化，所以交代其治喪委員會不要有官方人士，其喪禮印刷品也不要有任何官員的名字，以免他們因政治壓力臨時退出，打亂喪禮安排。何俊仁希望有關官員，不要因中央禁王丹來港，臨時「縮沙」不出席華叔悼念活動。
政治指令難違
何俊仁昨在記者會表示，華叔生前似已預見其喪禮會高度政治化，離世前早有「先見之明」，交代不希望治喪委員會有任何官方成員，亦不希望喪禮上的印刷品出現任何官員名字，「佢唔係想排斥乜嘢官員，其實好多人佢都有一定交情。我諗佢預計得到，有官員就算肯擺個名落去，印咗出嚟後，分分鐘都身不由己，要抽番走個名，因為啲官員都可能要受好多方面嘅政治指令」。
何俊仁又指，從華叔生前的遺願，顯示華叔自覺來自民間社會運動，「佢對好多問題都睇得好透，明白特區政府好多嘢都控制唔到」，何希望早前表示有意出席悼念華叔的官員，不要因今次拒絕王丹入境，改變原有主意而不敢出席，「唔好因為呢件事驚咗唔嚟，否則真係一件令人非常遺憾嘅事」。