工商界參政真係多多益善，繼早前派叉燒飯後，自由黨田少噚日再出動送禮，去到將軍澳伸手助人協會寶林邨賽馬會老人之家，送電飯煲、電磁爐、床褥及頸巾畀長者，十分大手筆，總共送出24個電飯煲、25個電磁爐、40張床褥，共值約5萬蚊，有89個長者受惠。
另一個代表工商界嘅政團「經濟動力」則在維園年宵出擊，義賣「平安包暖腳器」同「平安包咕」，籌得善款資助「食物寧」基金同長洲發展協會，向酒店、餐廳回收剩低嘅麪包、飯麪等，交予慈善機構轉贈露宿者、拾荒者及弱勢社群等，估計每星期約有1,000人受惠。經濟動力立法會議員林健鋒話，將廚餘丟晒去堆填區解決唔到問題，大家出多啲「食」力兩全其美。