憑5呎9吋高䠷身形、擁33E咪咪的胡心諾（Rainbow）師妹朱裕琳（Caroline），之前獲經理人公司厚待，以個人形式推出月曆。近日Caroline獲導演王晶看中，在新作《猛男滾死隊》中演出，她在戲中跟王晶大搞婚外情，更有一場火辣場面。
來自內地的o靚模朱裕琳，近日接拍王晶導演的新作《猛男滾死隊》，更獲邀於大前日到柴灣一影樓為電影拍攝宣傳海報，跟已經上位的周秀娜及浸大咪神楊梓瑤（Carol）同場，地位可謂非同凡響。拍照時Caroline表現非常專業，雖然所穿的比堅尼泳衣較細，但她依然非常落力擺甫士。
Caroline說：「自己做model出身同出席比賽都係着比堅尼，呢啲係基本要求。」她自言第二次踏足大銀幕，感覺拍戲很好玩，她說：「之前客串拍賀歲片《最強囍事》，今次戲份多好多。戲裏面講我同晶哥有曖昧關係，有一場着住內衣同晶哥激吻嘅戲已經係我嘅底線。」Caroline讚王晶很照顧新人，不時教她要表現自己，還明言會再找她拍戲。
張可頤勾引志偉
另外，在戲中演曾志偉老婆的張可頤，就以密實裝扮拍海報，不過她在戲中仍會有一場性感演出，她笑說：「講我着住透明喱士睡衣勾引老公志偉，都算係演出以嚟最性感一次。」對於同劇眾多o靚模，可頤不擔心被搶鏡，她說：「佢哋好搏，但係恰如其份。」
採訪：譚倩宜
攝影：陳順禎