中原地產兩個創辦人施永青同王文彥，畀人感覺係歡喜寃家，王文彥因為公司管治理念同施永青唔同，92年離開變成在野股東後，咁多年嚟都無喺中原香港嘅周年晚宴蒲頭，直至噚晚，佢竟然再度現身，仲話聽晚嘅利嘉閣周年晚宴都會到！到底發生咩事呢？
老王同華華講，其實主要係時間夾到，所以先至會出席。佢仲話其實自己都有去中原內地嘅分行活動，但一年都係去一兩個地區，因為自己對中原內地嘅業務感興趣多啲，多數會去一線城市分行，不過都唔係年年去嘅，以北京為例，已經係5年前嘅事……
老王突然高調，相反，一直係中原「icon」嘅施永青，近期已經好少蒲頭，上個禮拜幫爛過爛尾樓嘅港島西半山豪宅THEICON解完畫之後，連中原精英會就職禮都冇現身，唔知呢個轉變，係咪夾唔夾到時間咁簡單呢？