海洋公園新主題區「夢幻水都」聽日開幕，隆而重之咁搵咗特首煲呔去主禮。主席盛智文噚日請班傳媒高層率先參觀，講到最近對手迪士尼樂園公佈業績，翌日唔少傳媒大字標題報道，話迪士尼去年入場人次達523萬，超越海洋公園。盛智文澄清，如果同期比較，海洋公園入場人次達到542萬，因此仍然贏迪士尼。
出現迪士尼入場人次勝海洋公園呢個「誤會」，係因為海洋公園業績年度係由每年嘅7月1日到翌年6月31日，而09/10年度佢哋嘅入場人次約為500萬，但之後幾個月訪港旅客勁升，所以咪有此誤差。
「夢幻水都」內零售區賣埋奶粉嘅構思早前一出，引來好多批評，盛智文話仍然會賣，不過少少哋賣吓，以方便臨時有需要嘅媽咪訪客。