甄子丹太太汪詩詩每年都會花盡心思為子女及丈夫搞生日派對，前日詩詩為7歲女兒Jasmine於深灣遊艇會舉行溜冰生日會，昨日詩詩在電話中說：「女兒生日係19號，佢上年10月已經話希望7歲生日開溜冰生日會，我一個月前已籌備，之前幫公公搞完身後事，先幫Jasmine補搞生日會，子丹上星期喺廣州拍廣告，都有返香港同Jasmine慶祝。」子丹也即時將生日會的相片上載到微博。
唇膏蛋糕
詩詩胞妹汪圓圓親自為Jasmine設計了生日蛋糕，詩詩說：「Jasmine好貪靚，所以圓圓設計咗一個立體唇膏生日蛋糕畀佢。」至於農曆新年詩詩表示會一家人靜靜過，她說：「因為公公啱啱過身，所以今年唔會慶祝。」
採訪：JessicaNgan