新片《新少林寺》昨日於九龍灣舉行宣傳活動，雖然只得劉德華與導演陳木勝出現，粉絲仍然逼爆商場。新年只得四日假的華仔，被問到家人可有不滿時，仍舊避談。提到陳慧琳（Kelly）喜獲孖胎，問他會否效法時，他即表示不敢答。
劉德華主演的新片《新少林寺》昨日於MegaBox宣傳，大批華仔fans逼爆商場。華仔粉絲獲邀上台玩遊戲又合照時，更令其他人呷醋大叫。之後華仔接受訪問，否認宣傳重點集中於自己身上，他說：「本來部戲係聖誕上嘅，宣傳完先做演唱會，不過可能太多戲，唔夠戲院，所以都有少少搞亂我計劃，本來家應該放緊三個星期假。」
農曆年忙拍戲
他續說：「新年要拍阿Ann（許鞍華導演）部新戲，因為要拍少少新年氣氛嘅嘢，同葉德嫻合作，但係就得番四日假。」問到家人有否因而「詐型」時，他即向記者說一聲「乖」避過，又指除今年之外，以往每年新年都會放假。
再追問家人是否已習慣時，華仔笑說：「習慣咗喇，不過自己唔鍾意擺喺嘴邊。」有人提到華仔於外地受訪時都有提及家人，似偏心外地傳媒時，他即說：「其實我只係答話未來30年都會好好工作，同埋同屋企人一齊過。」
記者提到太太朱麗倩也是華仔家人之一，他說：「OK呀，都話你哋可以寫咯，但係我同各國傳媒都話唔講得，因為其他地方嘅都會怪我，對住兩岸三地嘅呢邊講，嗰邊又會鬧我。」
提到Kelly經人工受孕懷孖胎，華仔說：「恭喜佢呀！」但當問到可有意思效法時，他即說：「唔好問我呢啲啦，我唔敢答呀，我隨緣啦，自己不嬲都努力嘅」。
唔會唱粗口歌
另外，詹瑞文早前惡搞華仔的《IDon'tWannaSayGoodbye》歌曲，華仔說：「我唔介意，最緊要可以令其他人開心，粗口就唔好喇，粗俗可以接受。」當問到可會嘗試唱這類歌曲時，他說：「又唔可以話接受，因為網上始終係一個公開平台。」
採訪：藍文浩 攝影：黃偉雄