港股上禮拜累跌406點，跌番落24000樓下收市，但係月初至家，恒指仲有超過800點進賬，短短嘅時間波幅好大，估計亦係今年港股走勢嘅縮影。
上日花旗股市個別發展，道指升49點，報收11871，成交大增，部署上試12000關，走勢有利港股，不過恒指跌穿10日線之後，之前喺高位嘅橫行區又變成阻力位，今日可唔可以升番上10日線好重要，如果動力唔夠，就要先下試20日線才會掉頭炒上。
利豐C輪24107：利豐（494）上日報收49.85元，升1.5%。股價一度升破50元關，但受制於保歷加通道頂，收市前略為回軟，從成交同埋平均線嘅變化嚟睇，利豐應該可以更上一層樓，逐步推向56元，可以諗吓隻C輪24107。
隻輪現價49仙，2011年6月8日到期，行使價49.80元，溢價9.7%，引伸波幅41.9%，槓桿率10.2倍（有效5.5倍），正股升上56元，24107睇88.4仙，正股跌穿47.80元就沽咗隻輪。
俊樺